Пабачыў свет клубны каляндар фатографаў дзікай прыроды
Дарагія сябры!
Перад вамі дзесяты па ліку выпуск клубнага календара, хаця Беларускаму клубу фатографаў дзікай прыроды ўжо 14 гадоў.
Пандэмія Covid-19 наклала адбітак на нашу дзейнасць. Некаторыя з нас хварэлі, другія знаходзіліся на самаізаляцыі, іншыя абмяжоўвалі сацыяльныя кантакты, каб не захварэць. Цяпер мы значна радзей ладзім вялікія выставы работ нашага клуба, іх наведвае менш людзей. Ды і ўдзельнікам клуба не так часта ўдаецца сустрэцца ці разам выбрацца на выязныя фотатуры, падзяліцца сваім досведам з новымі ўдзельнікамі. Але паступова ўсё вяртаецца, сітуацыя выпраўляецца, і мы, як сапраўдныя аптымісты, заўсёды спадзяемся на лепшае.
Нашай дзейнасцю цікавяцца многія людзі, а пасля знаёмства з ёю жадаюць стаць актыўнымі ўдзельнікамі клуба.
Менавіта пры фотапаляванні з’яўляюцца цікавыя ўсім неардынарныя назіранні за насельнікамі дзікай прыроды.
Набываем дадатковы досвед фотаздымкі дзікай прыроды і мы самі, імкнемся у кожным сезоне да амбіцыйных мэтаў, здымаючы ўсё новыя віды звяроў і птушак. Спадзяюся, і ў наступным мы працягнем нашу творчую дзейнасць, адкрываючы для аматараў і гледачоў прыроднай фатаграфіі шмат новага і пазнавальнага.
Некаторые ўдзельнікі клуба пачалі здымаць дзікую прыроду на відэа. І іх ролікі і відэафільмы дасканала раскрываюць тэмы жыцця жывёлаў, выклікаюць вялікую цікаўнасць, а гэта новы крок у пазнанні дзікай прыроды роднага краю.
Далучайцеся да нас, разам мы зробім нашмат больш для беларускага гледача!
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
Для того чтобы оставить комментарий, необходимо подтвердить номер телефона.